Нилуфар Усмонова, духтари Юлдуз Усмонова нахустин бор ба забони тоҷикӣ тарона иҷро кардааст. Таронаи “Меояд, ёр меояд” аслан моли хонум Юлдуз аст.

Нилуфар Усмонова, духтари ҳунарманди машҳури узбакистонӣ Юлдуз Усмонова нахустин бор бо забони тоҷикӣ тарона иҷро кардааст. Аслан, таронаи “Келади, ёр келади” моли модари сароянда буда, Усмоноваи хурдӣ онро бо тарҷумаи забони тоҷикӣ иҷро кардааст.

Худи Юлдуз Усмонова дар яке аз шоуконсертҳояш гуфтааст, ки таронаашро ба духтараш Нилуфар тақдим кард.

Таронаи “Меояд”-ро Нилуфар бо забони тоҷикӣ иҷро мекунад. Ман ин таронаро бо забони узбекӣ сароидаам. Худатон қазоват кунед, ки кӣ беҳтар сароидааст”, – мегӯяд вай.

Хонум Юлдуз Усмоноваро дар Узбекистон примадонна мегӯянд. Ҳунарманд дар Тоҷикистон низ ҳаводорони зиёде дорад. Чанд таронаи вай, аз ҷумла бо забони тоҷикӣ “Биё ҷонам” дар Тоҷикистон солҳо шӯҳрати худро аз даст надода буд.

Усмонова ҳамагӣ як  духтар дорад, ки ӯ низ пешаи сарояндагиро ихтиёр кардааст.

Пештар хабар дода шуд, ки ҳунарманд бо шавҳараш ба Ҳаҷ рафтааст.

Сарчашма: sputnik.tj

Дар телеграм моро пайгирӣ намоед!   https://t.me/padidatj

ШАРҲИ ШУМО

Please enter your comment!
Please enter your name here