Барои хонандагони азизи сомонаамон силсилаи “Андешапораҳо” – и шоири муваффақи тоҷик, Толиб Карими Озарахш аз саҳифаи расмии эшон дар фейсбук бознашр менамоем. 

Нози одамонро осмон мебинаду замин менолад.

****
Аксар ниёзҳои мардум аз намозҳояшон бузургтаранд…

****
Беҳтарин шоҳбайте, ки дар варақи рӯи шоир сабт буд, ба санги гӯраш менависанд…

****
Моҳу ситорагон шабона худнамоӣ мекунанд…
****

Одамон бештар ба нодидаҳояшон бовар мекунанд.
****

Девҳо аз одамоне, ки худро фаришта мепиндоранд, сахт меҳаросанд…
****

Сар ҳеҷ вақт дарди по намешавад по дарди сар шуданаш мумкин…
****

Беҳтарин фарзандҳо аз падар Ватан ва аз Ватан модар месозанд.
****

Пешравиатро бо гузашта муқоиса накун, онро оянда муайян хоҳад кард.
****

Иқтидори тайёра он аст, ки моро метавонад соатҳо аз замин канда кунад.
****

Тӯфон намедонад, ки дар об киштӣ ҳаст, ё не….
****

Одамизодае ба дунё бо пои равон наомадааст, вақти рафтан ҳам ӯро мебаранд.

****
Одамӣ аз моҳии зери об, чарандаи рӯи хок ва парандаи осмон ғизо меҷӯяд…

****
Пушти ойина набошад, рӯяш намебинад…

****
Бештар саломатӣ баъди беморӣ худро шинос мекунад..

****
Баҳорро бо барф пӯшонда намешавад,- ҳар сол афсӯс мехурад зимистон..
*****

Замин аввал андозаи пои одамро чен мекунад, дар охир қадро.
****

Шояд барои он пир шавем, ки ба қадри ҷавонӣ намерасем.
****

«Чашм аз рӯзи азал маро чашми дидан надорад»,- меандешад гӯш….
Дар телеграм моро пайгирӣ намоед! https://t.me/padidatj

ШАРҲИ ШУМО

Please enter your comment!
Please enter your name here